Kadib markii uu kala diray xalay kooxda Real Madrid kulankii weynaa ee El Clasico Lamina Yamal ayaa waxaa loo diiwaan galiyay rikoor weyn.
Yamala wuxuu jabiyay rikoor 77 sano ka hor laga dhigay gool dhalinta El Clasico, iyadoo waqtigaas 17 sano iyo 385 maalmood uu jiray ninkii dhigay rikoorkaan, laakiin Yamala ayaa jabiyay markii uu shabaqa ku gaaray 17 sano iyo 106 maalmood.
Wuxuu sidookale hore u sameeyay rikooro waaweyn oo ay adag tahay in la gaaro sanadaha soosocda.
Rikooriisa waxaa kamid ah
◉ Ciyaaryahankii ugu da’da yaraa ee gool u dhaliya Spain
◉ Ciyaaryahankii ugu da’da yaraa ee gool ka dhaliya LaLiga
◉ Ciyaaryahanka ugu da’da yar ee caawin ka sameeya UCL
◉ Ciyaaryahankii ugu da’da yaraa ee gool ka dhaliya Copa del Rey
◉ Ciyaaryahankii ugu da’da yaraa taariikhda EURO
◉ Caawiyihii ugu da’da yaraa taariikhda EURO
◉ Gooldhaliyaha ugu da’da yar tartan weyn
◉ Ciyaaryahankii ugu da’da yaraa ee ku guulaysta EURO
◉ Gooldhaliyihii ugu yaraa taariikhda El Clasico
Lamine Yamal mucjisooyinkiisa ayaa ka dhigay mid lala barbardhigo halyeyga weyn ee Barcelona iyo Argentina Messi.
