Manchester United ayaa laga yaabaa inay wajahdo dagaal adag si ay u sii haysato kabtankooda Bruno Fernandes, iyadoo Real Madrid ay la timaaday qorshe ay ku doonayso saxiixiisa, sida laga soo xigtay warbixinnada MARCA.
Xilli ciyaareedkan aad ayuu ugu dhibtooday Old Trafford, laakiin Fernandes waa mid ka mid ah ciyaartoyda yar ee bandhiggoodu wanaagsanaa. Inkasta oo hoggaankiisa la su’aalay, haddana wuxuu dhaliyay siddeed gool oo isla uu caawiye ka noqday sagaal kale, taasoo badbaadisay kooxda Ruben Amorim marar badan.
Si kastaba ha ahaatee, Daily Star ayaa werisay in Real Madrid ay dooneyso inay £90 milyan ku dalbato xiddigan reer Portugal, maadaama ay u arkaan beddelka mustaqbalka dheer ee Luka Modric.
Madrid ayaa horey ugu dirtay wakiillo ay daawadaan Fernandes, iyagoo sidoo kale aad ugu dhow inay helaan Trent Alexander-Arnold marka uu qandaraaskiisa Liverpool dhammaado xagaagan.
Fernandes ayaa heshiis cusub u saxiixay United xagaagii hore, kaasoo dhacaya 2027, iyadoo uu jiro hal sano oo dheeri ah oo lagu dari karo. Inkasta oo United aysan rabin inay lumiso kabtankooda, haddana hadallada hore ee Fernandes laga hayo ayaa tilmaamaya sida uu isagu u arko arrintan.
“Waa in aan la tartanno kooxaha ugu fiican”
Markii uu saxiixayay heshiiskiisa cusub, Fernandes wuu ogaa in United aysan wali tartan u geli karin horyaalka Premier League, laakiin wuxuu doonayay in la dhiso koox adag oo awood u leh inay la tartanto naadiyada waaweyn.
“Kooxdu way ogayd in aan rabay inaan la tartamo kooxaha ugu fiican. Waxay ogayd in aan u baahanahay in aan horumarinno kooxda, waana aragnaa in ay taas sameynayaan,” ayuu Fernandes u sheegay website-ka rasmiga ah ee United bishii August.
“Weligey ma dhigan balanqaad ah in aan ku guuleysanayno horyaalka, sababtoo ah qofna ma ballanqaadi karo taas. Laakiin ugu yaraan waa in aan yeelannaa koox awood u leh tartanka iyo guulaha sare.”
“Kooxdu waxay isku dayeysaa inay hesho ciyaartoy tayo sare leh, si ay u noqoto mid tartan leh oo uu qof walba u dagaallamo booskiisa.”
“Xulashadayda koowaad had iyo jeer waxay ahayd inaan joogo kooxda. Ma ahayn shuruudo adag, laakiin waxaan rabay inaan arko mustaqbalka kooxda oo horumaraya.”
