Bruno Fernandes ayaa saxiixay heshiis cusub oo Old Trafford kusii haaynaya ilaa 30ka June 2027.
Kabtanka kooxda ayaa dhaliyay 79 gool waxaana uu ka qeyb qaatay 67 caawin 234 kulan oo uu u saftay kooxda.
Bruno oo kadib heshiiska cusub uu saxiixay hadlay ayaa yidhi:-
“Qof walba wuu ogyahay xiisaha aan u qabo Manchester United.
Waxaan fahamsanahay mas’uuliyadda iyo muhiimada xirashada funaanaddan, iyo heerarka naf-hurnimada iyo rabitaanka loo baahan yahay si aan u matalo naadigan cajiibka ah.
“Waxaan horeyba halkan ugu soo maray waqtiyo gaar ah oo badan; anigoo maqlaya magacayga oo laga heesayo geesta garoonka, anigoo seddexley ka dhaliyay Leeds, kooxda ku hogaamiyay Old Trafford habeenadii Yurub, koobabna ku qaaday Wembley.
Laakin ma saxiixeen heshiiskan hadii aanan aaminsanayn in waqtigeyga ugu wanagsan ee shaadhka United ay wali iman doonaan.
“Wadahadalkii aan la yeeshay hoggaanka kubbadda cagta iyo maamulaha, way caddahay sida ay qof walba uga go’an tahay inuu u dagaallamo koobab waaweyn sannadaha soo socda.
Waan arki karaa sida wanaagsan ee mustaqbalka uu noqon doono, waxaana ku faraxsanahay inaan kooxdan horay u hogaamiyo.” Ayuu hadalkiisa kusoo xidhay Bruno.
Man United ayaa isbuucan bilaabaysa olalaheeda xagaaga ee Premier League.
