Nico Williams, oo uu wehlinayo Lamine Yamal, ayaa loo arkaa garabka ugu saameynta badan tartanka Euro.
Wiilkan u ciyaara kooxda Athletic Bilbao isla markaana 21 jirka ah ayaa soo bandhigaya awoodiisa farsamo iyo jireed ee cajiibka ah isago wacdaro ka sameeyay marxaladdan ugu weyn.
Tani waa mid ka mid ah sababaha ay dad badani u arkaan xulka Isbaanishka inay tahay kuwa ugu cadcad ee ku guuleysan kara koobka Euro ilaa hadda.
Ciyaarta soo socota ee jimcaha ee ka dhacaysa Stuttgart Waxa ay tijaabo weyn u noqon doontaa ‘La Roja’ marka ay wajahaan xulka minankooda lagu ciyaarayo ee Germany.
Joshua Kimmich, oo khadka dhexe ka ciyaara, ayaa u ciyaari doona sidii daafac midig marka loo baahdo.
Waxa xiisaha lihi waa labada nin Williams iyo Kimmich oo lala xidhiidhinayo FC Barcelona todobaadyadii u dambeeyay iyada oo kooxdu ay doonayso in ay xoojiso kooxdeeda xagaagan.
Dagaalka u dhexeeya kartida Williams iyo taatikada Kimmich waa mid ka ka dhigaysa kulankan inuu noqdo ciyaarta ugu xiisaha badaned ee Euro 2024.
Germany oo dhaliyay 10 gool iyo Spain oo 9 gool dhaliyay ayaa ah xulalka ugu goolasha badan tartanka.
Spain oo si weyn ugu tiirsan baalashooda weerarka, Lamine Yamal ayaa hogaaminaya caawinta isagoo 16 jir ah, halka Williams garabka kale uu ka duulo uu yahay mid wacdaro dhigaya.
Kimmich waa ciyaaryahan muhiim u ah Jarmalka, isagoo ku soo bilowday dhammaan 4-tii kulan ee Euro, waxaana uu ciyaaray daqiiqad kasta oo ciyaarahaas ah: 360 daqiiqo guud ahaan.
In kasta oo uu gacan ka geystay caawinta, doorkiisa ugu weyn wuxuu ahaa inuu kooxda siiyo dheeli tirnaan taatiko ah isagoo dib u laabanaya si uu u taageero daafaca oo uu u noqdo ciyaaryahan khadka dhexe ah oo dheeri ah marka loo baahdo.
Garabka firfircoon ee Williams oo ka duulaya garabka bidix iyo Kimmich oo ilaalinaya garabka midig ayaa is heli doona.
ilaa hadda tartanka Euro Nico Williams ayaa dhaliyay 1 gool iyo 1 caawin 235 daqiiqo oo uu ciyaaray 3dii kulan ee uu ka qayb galay.
Taageerayaasha guud ahaan, gaar ahaan kuwa Barca waxay sugi layihin inay daawadan labada nin ee lala xiriirinayo Kimmich iyo Williams waxa ay noqon doontaa mid ka mid ah waxyaabaha muhiimka ah ee aan la dafiri karin isla markaana daawasho mudan.
