Halyeeyga Liverpool, Jamie Carragher, ayaa uga digay Manchester City inay ku dhameysan karto afarta sare ee Premier League xilli ciyaareedkan.
Carragher ayaa ka hadlayay falanqeynta Sky Sports ka dib markii City ay 2-0 ku garaacday Anfield kooxda Liverpool.
Goolal ay kala dhaliyeen Cody Gakpo iyo Mohamed Salah ayaa guul weyn u horseeday kooxda Reds oo hadda ugu cadcad hanashada Premier League.
kooxda Arne Slot ayaa sagaal dhibcood oo nadiif ah ku haysa hogaanka horyaalka iyagoo 11 dhibcood ka sareeya City, kuwaasoo hadda ku jira kaalinta shanaad ee kala sareynta, iyagoo ka hooseeya Arsenal, Chelsea iyo Brighton.
Kooxda Pep Guardiola ayaa haatan laga badiyay afar kulan oo isku xigta oo horyaalka ah waxaana la garaacay lix ka mid ah todobadii kulan ee ugu dambeeyay tartamada oo dhan.
Carragher ayaa aaminsan in City ay ku adkaan doonto in ay ku dhameysato meel ka sareysa Liverpool, Arsenal ama Chelsea xilli ciyaareedkan.
Man City waxay kujirtaa xaaladii ugu adkeyd taariikhda waayaha Guardiola, taasoo keentay in shaki badan laga muujiyo in ay top 4 heli karaan xili ciyaareedkaan.
