Tababaraha kooxda Arsenal Mikel Arteta ayaa sheegay in uu aad ula yaabay in uu arkay Declan Rice oo kaarka cas loo taagay kulankii ay kooxdiisu bar-baraha 1/1 ah la gashay Brighton kadib markii uu garsoore Chris Kavanagh ku tilmaamay mid aan is waafaqsanayn.
Iyadoo mar hore kaadhka digniinta ah lagu siiyay qalad uu hore ugu galay xiddiga Brighton ee Joel Veltman, khadka dhexe ee England Rice ayaa qaatay jaalihii labaad afar daqiiqo markii ay socotay qeybtii labaad ee ciyaarta markii uu laaday kubada iyadoo daafaca reer Holland uu isku dayay inuu laad xor ah qaado.
Sagaal daqiiqo ka dib Joao Pedro ayaa goolka barbaraha u dhaliyay si uu wado guuldarro la’aanta Brighton ee xilli ciyaareedkan, waxaana uu soo afjaray rikoorka 100% ee Arsenal.
“Waan yaabay,” ayuu yiri Arteta. “Waa yaab, amakaag, amakaag, maxaa yeelay sida go’aannada aan la isku raacsanayn u noqon karaan, qaybta hore, laba dhacdo ayaa dhacay.
“Ka dib, meel aan halis ahayn, kubaddu waxay ku dhacdaa Declan, wuu soo jeestay, ma arko ciyaaryahanka soo socda oo kubada ayuu taabtay.
“Sharciga, wuu wici karaa wicitaankaas, laakiin sharci ahaan wuxuu u baahan yahay inuu sameeyo wicitaanka xiga.
Tani waa waxa iga yaabiyay, heerkan waa wax cajiib ah.”ayuu yidhi Arteta.
Ciyaarta ayaa guushu ku raacday kooxda Brighton ka dib markii ay Arsenal ay ku ciyaartay 10 ciyaartoy.
