Troy Deeney oo saadaaliyay goorta Arsenal laga saari doono tartanka horyaalka Premier League
Weeraryahankii hore ee Watford, Troy Deeney, ayaa shaaca ka qaaday goorta uu rumeysan yahay in Arsenal laga saari doono tartanka horyaalka Premier League xilli ciyaareedkan.
Arsenal ayaa laba dhibcood lumisay kaddib markii ay barbaro 2-2 la galeen Chelsea Axaddii, taasoo ka dhigtay inay haatan ku jiraan kaalinta afaraad ee kala sarreynta horyaalka, sagaal dhibcoodna ay ka hooseeyaan hogaamiyayaasha Liverpool kaddib 11 kulan.
Si kastaba ha ahaatee, Deeney ayaa aaminsan in rajada Arsenal ee horyaalka ay dhammaan doonto haddii ay hal mar oo kale guuldarreystaan.
Isagoo ka hadlaya barnaamijka Match of the Day 2, Deeney ayaa yiri:
“Waxaan dhihi lahaa waxay ku jiraan xaalad uu kulan walba aad muhiim ugu yahay. Haddii ay mar kale guuldarreystaan, waxaan u maleynayaa inay ka baxayaan tartanka horyaalka, sababtoo ah waa inay Liverpool ku garaacaan gurigooda iyo [Manchester] City sidoo kale.”
Arsenal ayaa wajahaysa cadaadis xooggan iyadoo ku qasban inay natiijooyin wanaagsan ka keento kulamada soo socda si ay ugu sii noolaato riyadeeda horyaalka.
