Arsenal ayaa lagu soo waramayaa in ay isha ku hayso horumarka Jacob Ramsey ee Aston Villa, iyaga oo sahminaya suurtogalnimada ay ku heli karaan xiddiga reer England xagaagan.
Ramsey ayaa noqday mid muhiim u ah kooxda Unai Emery xilli ciyaareedkan, waxaana qaab ciyaareedkiisii ugu dambeeyay ee Villa Park uu soo jiitay kooxo badan oo Premier League ka dhisan.
23-sano jirkaan ayaa dhaliyay seddex gool, waxaana uu caawiyay afar kale 25 kulan oo uu saftay tartamada oo dhan ololahan, waxaana ku raad jooga Arsenal iyo Liverpool, sida laga soo xigtay TBR Football.
Ramsey ayaa lala xiriiriyay inuu ka tagi doono kooxdiisa xagaagii hore, laakiin Villa ayaa hadda u aragta qof muhiim ah kadib bandhigiisii fiicnaa ee uu sameeyay dhowrkii bilood ee la soo dhaafay.
Si kastaba ha ahaatee, dhawr kooxood oo waaweyn ayaa isha ku haya xiddigii hore ee xulka qaranka England ee U21.
Arsenal ayaa lagu soo waramayaa inay doonayso inay dhamaystirto heshiis ay ku qaadaneyso suuqa xagaaga, iyadoo Mikel Arteta uu rabo inuu xoojiyo kooxdiisa.
