Tababaraha kooxda Liverpool, Arne Slot, ayaa ka hadlay kulanka adag ee ay kooxdiisu la ciyaari doonto Everton, kaas oo ka tirsan horyaalka Premier League.
Reds ayaa u baahan inay dib ugu soo laabato wadada guulaha, ka dib markii ay barbaro la galeen Newcastle kulankii ugu dambeeyay ee horyaalka.
Slot oo arrinta ka hadlaya ayaa sheegay in Everton ay tahay koox wanaagsan oo uu rajeynayo inuu noqdo kulan adag.
“Everton waa koox fiican, waxayna gaareen guul muhiim ah kulankii ay la ciyaareen Wolves,” ayuu Slot ku yiri shir jaraa’id oo uu qabtay.
“Waan ognahay inay diyaar u noqon doonaan kulanka, maadaama ay joogayaan garoonkooda, taageerayaashooduna si buuxda ugu garab istaagi doonaan. Sidaas darteed, waa in aan si buuxda isugu diyaarino kulanka.”
Liverpool ayaa haatan dagaal ugu jirta inay sare u qaaddo rajada ay ka qabto horyaalka, halka Everton ay iyaduna raadinayso inay ka fogaato aagga dhibcaha hoose.
