Warbixin muhiim ah oo ku saabsan mustaqbalka xiddiga weerarka uga ciyaara Kooxda Napoli ee Victor Osimhen ayaa waxaa shaaca ka qaaday tababaraha kooxda Napoli ee Antonio Conte.
Inkastoo shaki laga muujinayo mustaqbalkiisa Napoli, Conte ayaa sheegay in Osimhen uu u baahan yahay inuu dadaal badan ku bixiyo tababarka.
25 sanno jirkaan weerarka ka ciyaara ayaa qandaraaskiisa lagu burburin karaa 130 milyan oo Yuuro, laakiin ma jirto koox Yurub ah oo diyaar u ah inay bixiso lacagta faraha badan, taasoo ka dhigan inuu sii joogo Italy wixii ka dambeeya suuqan.
Isagoo ka hadlayay mustaqbalka Osimhen, Conte wuxuu sheegay inuusan ka warqabin tallaabada xigta ee uu qaadi doono ciyaaryahankii hore ee Lille.
Wararka ayaa sheegaya in weeraryahanka uu doorbidayo u dhaqaaqista Premier League, si kastaba ha ahaatee, ma jiro wax soo jeedin ah oo la sameeyay ilaa hadda.
Napoli ayaa hadda raadineysa dookhyo kale, waxayna ka shaqeyneesa sida suurtagalnimada ay Romelu Lukaku ugu bedeli karto Osimhen haddii ay dhacdo in dalab rasmi ah laga gudbiyo.
