Guushii Real Madrid ee 4-0 ee ay ka gaartay Girona ayaa waxaa hareeyay dhaawac soo gaaray laacibkooda Jude Bellingham.
Los Blancos ayaa u awood sheegatay kooxda ay ku xafiiltamayaan hanashada horyaalka ee Girona iyagoo haatan hogaanka uga qabtay shan dhibcood.
Bellingham ayaa labo gool dhaliyay iyadoo xiddiga khadka dhexe uu mar kale soo bandhigay qaab ciyaareed cajiib ah, laakiin waxa uu dhaawacmay qeybtii labaad.
Taageerayaasha Bernabeu ayaa aad u walwalsanaa markii ay arkeen Bellingham oo dhaawac ku baxaya, waxaana taam ahaanshihiisa uu noqday hada;-heynta ugu badan ciyaarta ka dib.
Real Madird ayaa dib u bilaabeysa xilli ciyaareedka Champions League todobaadkan iyagoo u safraya kooxda Jarmalka ee RB Leipzig, iyadoo Bellingham uu shaki ku jiro inuu ciyaari karo kulankaas.
Ancelotti ayaa wax laga weydiiyay xiddiga Ingariiska, wuxuuna xaqiijiyay in Bellingham uu dhaawac murgacasho ah ka soo gaaray canqowga.
Faahfaahin intaas ka badan ma uusan bixinin Ancelotti, laakiin lama filayo inuu taam u noqon doono kulanka Champions League.
Bellingham ayaa waxaa qiimeyn doona shaqaalaha caafimaadka maanta marka bararka uu ka dego canqowgiisa, iyadoo faahfaahin laga bixin doona dhaawaciisa 48da saacadood ee soo socota.
Waan ku qancay