Manchester United ayaa laga yaabaa inay tartan adag kala kulanto baacsiga ay ku doonayso weeraryahanka Sporting CP Viktor Gyokeres, iyadoo Barcelona, Atletico Madrid, Manchester City iyo Bayern Munich ay dhamaantood isha ku hayaan saxiixiisa. (Fichajes – Spain)
Red Devils ayaa rajeyneysa inay lasoo saxiixato daafaca bidix ee Paris Saint-Germain Nuno Mendes bisha Janaayo, iyagoo doonaya inay ku hhirgaliyan nidaamka Ruben Amorim. (Fichajes – Spain)
Real Madrid ayaa ku biirtay tartanka loogu jiro saxiixa xiddiga khadka dhexe ee kooxda Real Sociedad Martin Zubimendi kaas oo xagaagii hore ku dhawaaday in uu ku biiro Liverpool. (Todofichajes – Spain)
Dhanka kale Arsenal ayaa laga yaabaa in ay u dhaqaaqdo saxiixa xiddiga Brentford ee Bryan Mbeumo bisha January iyaga oo doonaya in ay la soo wareegaan dooqyo cusub oo weerar ah. Weeraryahanka ayaa dhaliyay sideed gool 14 kulan oo uu saftay xilli ciyaareedkan. (Caughtoffside)
Barcelona ayaa miisaamaysa inay u dhaqaaqdo xiddiga Liverpool Mohamed Salah ka dib markii weeraryahanka uu qirtay inuu tagi doono haddii aan laga saxiixin qandaraas cusub oo uu kusoo joogo Anfield. (GOAL – Spain)
Chelsea ayaa kusoo laabtay xiisaha Victor Osimhen ka dib markii Galatasaray loo sheegay inaysan awoodin inay heshiis joogto ah kula wareegto weeraryahanka xagaaga soo socda. (Football Transfers)
Liverpool ayaa laga yaabaa inay u dhaqaaqdo 18-jirka Roma goolka u qabta ee Renato Marin si uu u noqoto bedelka Alisson Becker oo bixi doona dhamaadka ololahaan. (Tuttosport – Italy)
Wolverhampton Wanderers daafaceeda Rayan Ait-Nouri ayaa waxaa doonaya Ruben Amorim, waxaana laga yaabaa inuu ka dhigo bedelo Luke Shaw, kaasoo dhaawacyo kusoo noqnoqday qaba. (The Sun)
Manchester City ayaa isku dayi doonta inay la soo wareegto xiddiga Crystal Palace Adam Wharton si ay ugu dhigaan bedelka Rodri oo dhaawacan.
Kooxda Pep Guardiola ayaa ku dhibtootay in ay soo bandhigto qaab ciyaareed cajiib ah xilli uu maqan yahay xiddigooda khadka dhexe. (Fichajes – Spain)
Dani Ceballos ayaa laga yaabaa inuu ka tago Real Madrid kuna laabto Real Betis bisha Janaayo ka dib markii uu ku guuldareystay inuu saameyn dhab ah ku yeesho kooxda Carlo Ancelotti. Si kastaba ha ahaatee, Los Blancos ayaa ka cago jiideysa inuu ka tago xiddiga khadka dhexe. (Todofichajes – Spain)
Newcastle United ayaa isha ku heysa inay u dhaqaaqdo weeraryahanka Bournemouth Antoine Semenyo ka dib markii uu qaab ciyaareed cajiib ah kusoo bandhigay kooxda ka dhisan xeebaha koonfureed ee England, Liverpool ayaa sidoo kale isha ku haysa xiddiga reer Ghana. (Sky Sports)
West Ham ayaa si dhow ula socota weeraryahanka Middlesbrough Emmanuel Latte Lath, waxaana laga yaabaa inay bisha Janaayo la soo wareegto xiddiga Ivory Coast si ay ugu xoojiso weerarkeeda. (Gianluca Di Marzio – Italy)
