Tababaraha Chelsea Enzo Maresca ayaa kulanka Europa Confrence League ee ay la ciyaarayaan kooxdiisa kooxda ka dhisan ee Kazakhstan ee FC Astana sameeyay wax layaab leh.
Maresca ayaa go’aansaday inuu siiyo fursad ay ku nasataan ciyaartoyda muhiimka ah ka hor kulanka Premier League Axada ay ku wajahayaan Brentford garoonka Stamford Bridge.
Sam Rak-Sakyi wuxuu ku jiraa kooxda kulankiisii ugu horeeyay abid si lamid ah Josh Acheampong ayaa isna ku soo bilowday daafaca midig.
Magac aad u la yaab leh ee kusoo bilaawday kulankiisii ugu horeeyay ee xilli ciyaareedkaan waa Carney Chukwuemeka, oo dhaxda si weyn u xakameeyay.
Ka dib markii uu 18 milyan euro kaga soo wareegay Aston Villa, ciyaaryahanka khadka dhexe lama siinin fursadaha uu u qalmay, laakiin caawa ayuu helay kalsoonida tababare Maresca.
Kulankaan ma ahan oo kaliya Chukwuemeka bilawgiisii ugu horeeyay ee xilli ciyaareedkaan ee sidookale waa bilaabashadiisii ugu horaysay tan iyo bishii August ee sanadkii hore.
Enza Maresca ayaa ka yaabsaday taageerayaasha kadib markii uu kasoo tagay dhamaan ciyaartooyda safka hore iyo keydka ee kooxdiisa.
