Luis Daiz ayaa qarka u saaran inuu noqdo magaca ugu weyn ee ka tagi doona Liverpool xagaagan – waa hadii ay heshiis cusub ka saxiixaan Mohamed Salah, sida ay qortay jariirada The Sun
Kooxo dhowr ah oo Isbaanish ah ayaa indhaha ku haya weeraryahanka Reds Diaz.
Reds waxay diyaar u yihiin inay dhagaystaan dalabyada laga soo gudbinayo xiddigaan, madaama ay hodan ka yihiin dhanka weerarka.
Ahmiyada ugu sareysa ee tababaraha bedeli doona Jurgen Klopp ayaa noqoneysa qandaraasyada cusub ee Mohamed Salah, Trent Alexander-Arnold iyo Virgil van Dijk.
Natiijada ka soo baxda wadahadalada Mohamed Salah ayaa saameyn ku yeelan doonta mustaqbalka 27-jirka reer Colombia ee Luis Daiz.
Daiz ayaa ku jiray qaab ciyaareed liita qeybtii hore ee xilli ciyaareedkan, xitaa ka hor inta aan waaligiis lagu afduubanin dalkiisa hooyo.
Laakiin Diaz ayaa dhawaan soo bandhigay qaab ciyaareedkiisii fiicnaa ee looga bartay markii uu 37 milyan ginni uga soo wareegay FC Porto bishii Janaayo 2022kii.
Thiago Alcantara iyo Joel Matip ayaa qarka u saaran inay ka tagaan Anfield marka uu qandaraaskoodu dhaco xagaagan.
Salah, Alexander-Arnold iyo Van Dijk ayaa dhamaantood hal xilli ciyaareed oo buuxa ay uga harsan tahay qandaraasyadooda.
Kooxaha Saudi Pro League iyo Paris Saint-Germain ayaa doonaya Salah halka kabtanka Van Dijk uu ka laabtay hadal uu horay u sheegay oo ahaa inuusan hubin mustaqbalkiisa ka dib bixitaanka Jurgen Klopp.
