Halyeeyga Scotland Ally McCoist ayaa u magacaabay Moises Caicedo fashilka xilli ciyaareedka isagoo kaalintaas ka galay labo ciyaaryahan oo Manchester United ah ka dib markii uu ku rafaaday Chelsea oo ku iibsatay lacag rikoodh ah oo gaareysa 115 milyan ginni.
Caicedo ayaa ka tagay Brighton kuna biiray Blues bishii Agoosto, si kastaba xiddiga reer Uruguay ayaa ku fashilmay inuu ka soo dhalaalo lacagtii laga soo bixiyay.
Halyeeyga ayaa sidoo kale magac dhabay Rasmus Hojlund iyo Andre Onana. Ka dib markii uu Atalanta uga soo wareegay 72 milyan ginni, Hojlund ayaa dhaliyay kaliya sideed gool 26 kulan uu saftay halka Onana uu awoodi waayay inuu buuxiyo booskii uu baneeyay goolhaye De Gea.
McCoist ayaase ugu danbeyn fashilka xilli ciyaareedka u doortay Caicedo isagoo yiri:
“Andre Onana uma dhawa xitaa ciyaaryahankii laga filayay inuu u noqonayo Manchester United, laakiin ma siinayo abaalmarinta fashilka xilli ciyaareedka, sababtoo ah waa mid yara adag in weli sidaas lagu tilmaamo.
“Laakiin Moises Caicedo, waxaan daawaday dhowr jeer gaar ahaan kulankii Old Trafford ee isaga iyo Enzo Fernandez ay dhexda ka ciyaarayeen, labaduba waxay ku fadhiyaan rubuc bilyan ginni, mana aheyn kuwa fiican. Ciacedo ayaan u magacaabayaa fashilka xilli ciyaareedka isagaa ka galay booskaas Onana. Rasmus Hojlund, maya isaga wuxuu ka danbeeyaa Caicedo iyo Onana.”
