Wareegga afraad ee tartanka FA Cup ayaa kulamadiisa lasoo gabogabayn doonaa maalinta Arbacada, iyadoo kooxaha kala bixi waayay ee kulamadoodu ku dhamaadaan barbarro ay mar kale isku noqon doonaan, waxaana ugu weyn ciyaaraha la sugi doono ku-celiska Chelsea iyo Aston Villa oo Jimcihii barbarro isla dhaafi waayey.
Kooxaha oo dhan ayaa ku ducaysanaya kooxda yar ee heerarka hoose ee Maidstone United oo usoo gudubtay wareegga shanaad markii ay Sabtidii maanta ka takhalustay Ipswich Town, iyadoo Manchester United guul cidhiidhi ah ka gaadhay Tottenham.
Kooxo ay ugu muhiimsan yihiin Arsenal iyo Tottenham ayaa mar horeba ka baxay tartanka oo ay reebeen Liverpool iyo Tottenham, waxaana ay jamaahiirta naadiyada soo gudbay iyo kuwa aan wali ciyaarin ay dhegtu taagnaan doontaa illaa daqiiqadda ugu dambaysa ee la kala baxayo.
Isku-aadka wareegga shanaad ee tartanka FA Cup ayaa la samayn doonaa kaddib marka ay soo dhamaato ciyaarta Manchester United iyo Newport fiidka Axadda habeen dambe oo ku beegan January 28, 2024.
