Fulham ayaa ka mid noqotay kooxaha hroyaalka Premier League ee doonaya inay la saxeexdaan weeraryahankii hore ee Liverpool ee Roberto Firmino oo 32 jir ah, kaas oo la sheegay inuu doonayo inuu iskaga tago kooxda horyaalka Sucuudiga ee Al-Ahli. (TalkSport)
Brentford ayaa go’aamisay qiimaha ay ku iibinayso weeraryahanka England ee Ivan Toney oo ay doonayaan kooxaha Chelsea iyo Arsenal. 27 jirkan ayaa kooxda doonaysa inay la saxeexato bishan January, waxa ka xiga oo kaliya £100 milyan oo Gini. (Independent)
Manchester United ayaa heshiiska amaahda ah ee ay Borussia Dortmund kula wareegayso xiddiga England ee Jadon Sancho waxa ay ku daraysaa qodob dhigaya, in kooxda reer Germany ay si rasmi ah ugula wareegi karto laacibkan £25 milyan oo Gini. (Football Insider)
Atalanta ayaa shaacisay qiimaha difaaca Talyaaniga ee Giorgio Scalvini oo ah 20 jir ay raadinayaan kooxo waaweyn oo reer Yurub ah sida Real Madrid iyo Manchester United. Kooxda doonaysa inay la saxeexato, waa in ay bixiso £51.7 milyan oo Gini, sida ay sheegtay Atalanta. (Metro)
Khadka dhexe ee Chelsea ee Conor Gallagher oo 23 jir ah, waxa uu doonayaa in uu sii joogo Stamford Bridge, inkasta oo ay doonayaan kooxo Premier League ah oo ay ugu horreyso Tottenham. (Mirror)
Difaaca iyo garabka Bayer Leverkusen ee Jeremie Frimpong oo 23 jir ah, ayaa waxa uu ka mid noqday ciyaartoyda loogu doonista badan yahay suuqa iibka ciyaartoyda ee bishan January, laakiin Xabi Alonso ma doonayo inuu fasaxo bishan. (Fabrizio Romano)
Leon Bailey ayaa noqon doona ciyaartoyga ugu mushaharka badan kooxda Aston Villa, waxaana la filayaa in uu heshiis cusub u saxeexo kooxdiisa. (Mail)
Bayern Munich waxay la xidhiidhay AC Milan oo ay ka doonayso difaaca reer England ee Fikayo Tomori oo 26 jir ah. (Sky Sports)
Manchester United waxa ka go’an in ay la saxeexato weeraryahanka reer Guinea ee Gerhou Guirassy oo noqday mishiinka goolasha horyaalka Bundesliga, waxaana ay u arkaan in uu yahay ciyaartoyga ugu macquulsan ee ay la saxeexan karayaan qiime ahaan iyo tayo ahaanba bishan January. (GMS)
