Halyeeygii hore ee kooxda Newcastle United, Alan Shearer, ayaa saadaaliyay kulamada horyaalka Premier League ee la ciyaari doono ka hor fasaxa xulalka qaranka ee bisha Nofeembar.
Kulamada toddobaadkan ayaa Jimcaha ku bilaabanaya ciyaarta ay Everton garoonkeeda Hill Dickinson Stadium ku martigelinayso Coventry City, halka ay Axadda ku soo xirmi doonaan kulanka ay Aston Villa booqan doonto Manchester United.
Shearer oo la hadlayay shabakadda Betfair ayaa saadaaliyay in kooxda difaacanaysa horyaalka ee Arsenal ay garoonkeeda Emirates kaga adkaan doonto Hull City si ay lix dhibcood ugu qabato hoggaanka, ka hor inta aysan Manchester City la ciyaarin Nottingham Forest, kulankaas oo uu sidoo kale guul u saadaaliyay City.
Dhanka kale, Shearer wuxuu guulo u saadaaliyay kooxaha Chelsea oo booqanaysa Sunderland, Liverpool oo la ciyaaraysa Crystal Palace, iyo Brighton oo wajahaysa Brentford. Ugu dambeyn, wuxuu barbaro ku saadaaliyay kulanka adag ee dhexmari doona Manchester United iyo Aston Villa, iyo sidoo kale ciyaarta Leeds United iyo Tottenham.
