Xulka qaranka Portugal ayaa Bernardo Silva u magacaabay kabtanka cusub ee xulka, kadib markii Cristiano Ronaldo uu Khamiistii ku dhawaaqay inuu ka fariistay ciyaaraha caalamiga ah.
Sida ay sheegtay warbaahinta The Touchline, shuruudaha lagu doortay kabtanka waxaa ka mid ah in uu yahay ciyaaryahanka ugu safashada badan Xulka.
Bernardo Silva ayaa Portugal u saftay 115 kulan, isagoo u dhaliyay 14 gool. Sidaas darteed, wuxuu hoggaanka xulka kala wareegay Ronaldo, kaasoo muddo dheer watay calaamadda kabtannimada.
Silva ayaa kulankiisii ugu horreeyay ee Portugal u saftay sanadkii 2015, wuxuuna xulka kula guuleystay UEFA Nations League sannadihii 2019 iyo 2025.
Fiiro gaar ah: Xogta la xaqiijiyay waxay sidoo kale sheegaysaa in kabtannimada Portugal lagu saleeyay tirada kulamada caalamiga ah, iyadoo Rúben Dias, João Cancelo, Rúben Neves iyo Bruno Fernandes ay ka mid yihiin ciyaartoyda kale ee hoggaanka xulka.
