Daaficii hore ee xulka Spain, Sergio Ramos, ayaa ka falceliyay go’aankii uu Khamiistii Cristiano Ronaldo uga fariistay ciyaaraha caalamiga ah.
Ramos oo ay Ronaldo ka wada tirsanaan jireen kooxda Real Madrid, ayaa halyeeyga isugu daray kaftan iyo ammaan diiran ka dib markii weeraryahankan u ciyaara kooxda Al-Nassr uu soo afjaray waayihiisa xulka qaranka Portugal.
Laacibkan hore ee reer Spain, oo Ronaldo kula guuleystay afar koob oo Champions League ah, ayaa faallo ka bixiyay qoraalka uu xiddiga reer Portugal soo dhigay bartiisa Instagram-ka, taas oo lagu baahiyay bogga @MadridXtra ee barta X.
Ramos ayaa qoray: “Oo ma dhab baa…?? Hahaha. Waa halyeey weyn; waxaa la gaaray waqtigii aad ku raaxaysan lahayd waxyaabaha kale ee nolosha.”
Ka fariisashada Ronaldo ayaa imaanaysa toddobaadyo ka dib markii uu khilaaf soo kala dhex galay isaga iyo tababaraha xulka Portugal, Jorge Jesus, taas oo sababtay in lagu rido ganaax lacageed iyo mid ciyaaraha looga joojiyay muddo 30 maalmood ah.
