Halyeeyga Arsenal, Paul Merson, ayaa si weyn u dhaliilay siyaasadda suuqa kala iibsiga ee Manchester United, isagoo magacaabay shan ciyaaryahan oo uu aaminsan yahay in maamulka kooxda uu ku qaldanaa inuu la soo saxiixdo.
Isagoo la hadlayay Sky Sports ka hor kulanka Champions League ee ay United habeenka Talaadada la ciyaareyso AS Roma, Merson ayaa su’aal geliyay go’aannada suuqa kala iibsiga ee kooxda.
Ciyaartoyda uu dhaliilay waxaa ka mid ah Bryan Mbeumo, Matheus Cunha, Benjamin Sesko, Youri Tielemans iyo Andrey Santos.
Merson ayaa sheegay in mudnaanta koowaad ee United ay ahayd xoojinta weerarka, balse saddexda weeraryahan ee ay keentay aysan ahayn ciyaartoy dhalin kara goolal ku filan oo kooxda wax weyn ka beddeli kara.
“Cunha, Sesko iyo Mbeumo ma aha ciyaartoy xilli ciyaareedkii dhalin kara 20 ilaa 25 gool,” ayuu yiri.
Wuxuu sidoo kale su’aal ka keenay lacagta £50 milyan ah ee lagu soo iibiyay Andrey Santos, isagoo sheegay inuusan fahmin waxa ay kooxda ku aragtay ciyaaryahankaas.
Dhanka Tielemans, wuxuu sheegay in khadka dhexe ee United uusan lahayn ciyaartoy ku filan oo daboola baahiyihiisa.
Merson ayaa sidoo kale dhaliilay qorshaha kooxda ee ah inay suuqa xiga xoogga saarto difaaca, isagoo habka guud ee maamulka ku tilmaamay “waalli”.
