Everton ayaa xaqiijisay in ay shaqada ka cayrisay tababare Sean Dyche saacado ka hor kulanka ay wareega 3-aad ee FA Cup-ka la ciyaari doonaan kooxda Peterborough.
Dyche, oo ku biiray Everton Janaayo 2023, ayaa kooxda ku hogaamiyay seddex guul oo kaliya 19 kulan oo ay ciyaareen xilli ciyaareedkan, waxaana ay ka sareyaan hal dhibic oo keliya booska loogu laabto heerka labaad.
Waxa uu dhawaan qiray in natiijadu ay hoos ugu dhacday intii la filayey, waxa uuna cadeeyay in la ceyrin karo markasta.
“Ma aanan guuleysanin wax nagu filan xilli ciyaareedkan, taasi waxaa ka dhalan kara inaan lumino booskeena” ayuu yiri tababarihii laga ceyriyay Everton
Everton ayaa bilawday raadinta tababare cusub laakiin, inta ka horeysa, waxay si ku meel gaar ah shaqada kooxda koowaad ugu dhiibi doonaan tababaraha kooxda 18 jirada Leighton Baines iyo kabtanka kooxda Seamus Coleman, kuwaas oo hogaamin doona Toffees kulanka FA Cup ee Peterborough.
