Tababaraha Chelsea, Enzo Maresca ayaa xaqiijiyay in Romeo Lavia uu seegi doono kulanka Boxing Day ee ay la ciyaarayaan Fulham.
Maresca ayaa ka hadlay shirkiisa jaraa’id ee ka hor kulanka habeenka khamiista Fulham kula ciyaari doonaan garoonka Stamford Bridge.
Lavia ayaa haatan ka soo kabanaya dhaawac, laakiin si buuxda diyaar uma ahan wali.
Ciyaaryahanka khadka dhexe ayaa seegay kulankii Premier League ee Chelsea ay 0-0 la gashay Everton isbuucii hore.
“Romeo wali wuu soo kabanayaa. Aad ayuu uga fiican yahay sidii hore, “Maresca ayaa yiri.
“Mar hore ayuu kusoo laabtay garoonka tababarka, laakiin nasiib darro diyaar uma ahan kulanka Fulham, wuxuu kusoo laaban doonaa kulamada xiga ee kooxda.
Chelsea ayaa kulanka ugu horeeya ee Boxing Day Premier League kusoo dhaweyn doonta khamiista kooxda London ka dhisan ee Fulham.
