Vinícius Jr. ayaa si diiran uga falceliyay bandhigga cajiibka ah ee Kylian Mbappé uu ka sameeyay guushii Real Madrid ka gaartay Sevilla.
Mbappé ayaa si weyn uga dhex muuqday kulankii ay Los Blancos 4-2 uga adkaadeen Sevilla, oo ahaa ciyaartii ugu dambeysay ee sanadkan ee labadan kooxood.
Weeraryahanka Faransiiska ah ayaa furay gooldhalinta qeybtii hore isagoo dhaliyay gool qurux badan oo meel fog uu kasoo lasday.waxaa kale uu caawiye ka noqday goolka afaraad ee Brahim Díaz kaddib markii ciyaarta lagu soo laabtay.
Vinícius Jr., oo kulankan ku maqnaa sababo la xiriira ganaax, ayaa si cad ugu muujiyay bogaadintiisa bandhigga Mbappé bogga Instagram-kiisa. Xiddiga reer Brazil ayaa ku qoray:
“Wowwwwwww”
Isku xirnaanta Vinícius Jr. iyo Mbappé ee weerarka Real Madrid ayaa sii muujisay xiriirka xooggan ee labada ciyaaryahan, taasoo mar kale caddeysay in labadoodu ay yihiin laf-dhabarta weerarka Los Blancos.
