Erling Haaland oo sheegay cidda mas’uulka ka ah dhibaatada Man City kaddib guuldarradii Aston Villa.
Erling Haaland ayaa ku guuldarreystay inuu dhiirrigeliyo kooxdiisa kadib guuldarradii 2-1 ee kasoo gaartay Aston Villa horyaalka Premier League.
Weeraryahanka reer Norway ayaa si buuxda dusha u saartay mas’uuliyadda qaab-ciyaareedka liita ee Manchester City xilligan, isagoo ku booriyay taageerayaasha inay eeda dusha ka saaraan isaga. Haaland ayaa mar kale wajahay maalin niyad-jab ah, iyadoo City ay guuldarradeeda sagaalaad la kulantay 12-kii kulan ee ugu dambeeyay tartamada oo dhan.
Haaland ayaa yiri: “Ma aanan fiicneyn waana ku guuldareystay inaan kooxda wax u soo kordhiyo xilli ciyaareedkan. Waa inaan qaado tallaabooyin weyn oo aan ka shaqeeyo sidii aan u horumari lahaa. Waa inaan is hagaajiyaa. Si fudud uma fiicneyn. Waxaan sameyn doonaa wax walba oo aan ku horumarin karo.”
Wuxuu sii raaciyay: “Xilliyaasha muhiimka ah ma dhalinayo goolal – xilliyaasha muhiimka ah, goolal ayaannu iska dhalinaynaa. Wax walba waxey ku xiran yihiin farqi yar, waana sida ay wax yihiin. Waxaan sameyn doonaa wax walba oo aan ku beddeli karo xaaladdan.”
Haaland ayaa qirtay in qaab-ciyaareedkooda liita, oo ay ku jirto hal guul oo kaliya 12-kii kulan ee ugu dambeeyay, uu si weyn u saameeyay kooxda.
Wuxuu qirtay: “Waan ognahay sida kalsoonida muhiimka u tahay, waadna arki kartaa inay saameyn ku yeelanayso qof kasta oo bani’aadam ah. Heerarka kalsoonida ma ahan kuwa ugu fiican.
“Laakiin waa inaan sii wadnaa, waa inaan rumeysannaa nafteena, waana inaan si adag u shaqeynaa.”
Si kastaba, Haaland wuxuu ku kalsoon yahay in tababare Pep Guardiola uu xal heli doono: “Wuxuu lix jeer ku guuleystay Premier League toddobo sano gudahood, sidaas darteed waligeen ma illoobi doonno taas.
“Wuxuu helayaa xalka, sanad walbana sidaas ayuu sameeyaa. Wali waan ku kalsoon nahay isaga.”
