Crystal Palace ayaa marti galisay kooxda Arsenal kulan ka tirsan horyaalka Premier league iyada oo doonaysay in ay ka aarsato guuldarradii ka soo gaartay Gunners bartamihii todobaadkii hore markii labada koox ay ku kulmeen Carabao Cup-ka.
Place lagama badin horyaalka shan kulan oo ay ciyaareen, waxaana ay 3-1 kaga badiyeen Brighton kulankii ugu dambeeyay.
Oliver Glasner iyo Palace ayaa muujinayay caalamado horumar leh ka hor kulankii ay caawa ku xasuuqeen Gunners oo kaga badiyay 5-1.
Mikel Arteta waxaa dhiiro galiyay saddexleydii uu dhaliyay arbacadii Jesus, taasoo keentay inuu kusoo bilaabo weerarka Arsenal kulankii caawa.
Weeraryahanka reer Brazil ayaa ka faa’iideystay fursadiisa markale isagoo laba gool ku dhaliyay 14 daqiiqo gudahood si uu kaga caawiyo Gunners in ay guul fudud ka helaan Crystal Place.
Kia Haverz oo khadka dhaxe kusoo bilowday caawa ayaa raacsaday goolka sadexaad ka hor inta Martanelli uusan ku darsan kan afaraad ee Arsenal.
Arsenal oo iska baashaaleysa waxaa ay dhalisay goolka shanaad, waxaana usaxiixay Declan Rice oo bedel kusoo galay ciyaarta.
Gunners ayaa hadda soo yareysay farqiga dhibcaha oo ay ka sareeyeen Liverpool, iyagoo kusoo koobay saddex dhibcood.
Kooxda Slot ayaa beri kulan weyn la ciyaari doonto Tottenham oo qaab ciyaareed fiican kujirta kadib guushii ay ka gaartay khamiistii Manchester United.
Kulanka dhowr waxyaabood ayaa laga bartay kadib guushii sahlaneyd ee Arsenal ka gaartay Crystal Place.
Gabriel Jesus waa soo laabtay.
Ninkaan wuxuu jecel yahay la ciyaarista Crystal Palace. Alla yaa koox kasta ayaa ka dhiga Place.
Waxa uu dhaliyay goolal ka badan intii uu dhaliyay 28 kulan oo Premier League 14 daqiiqo ee ugu horreyay kulankii Crystal Palace ee caawa
Waa markii ugu horreysay oo uu 2+ gool ka dhaliyo kulan Premier League ah tan iyo April 2023 weeraryahanka Gunners Jesus.
Waxa uu haatan shan gool ka dhaliyay Eagles saddex maalmood gudahood ka dib markii uu saddexley ka dhaliyay kulankii EFL Cup ee Arbacadii.
Arinta kale ee la yaabka leh ayaa ah in Arsenal aysan waligeed guuldaraysan kulan Premier League ah oo uu gool u dhaliyay Jesus.
