Chelsea ayaa 2-1 kaga badisay Brentford ciyaar ka dhacday Stamford Bridge, iyadoo soo yareysay farqigii dhibcaha ee hogaanka kaga heysay Liverpool.
Enzo Maresca ayaa isbedelo dhowr ah sameeyay kulankii Brentford, wuxuu go’aansaday tababaraha reer Talyaani inuu dhowr isbedel ku sameeyo taatikadisii hore.
Cole Palmer iyo Enzo Fernandez ayaa saameyn gaar ah ku lahaa taatikada caawa uu adeegsaday tababaraha Blues.
Chelsea ayaa ku gacan sarreysay ciyaarta, iyadoo Brentford ay raadineysay inay ugu yaraan natiijo barbaro ah hesho.
Cucurella ayaa gool madax ah u daah furay qaybtii hore ee ciyaarta kooxdiisa isagoo hogaanka u dhiibay Blues oo marti loo ahaa.
Nicolas Jackson ayaa ku daray gool labaad ee Chelsea 10-kii daqiiqo ee ugu dambeeyay ciyaarta ka hor inta uusan Bryan Mbeumo helin gool qalbi qaboojin ah oo soo daahay.
Guud ahaan kulanka ayaa kusoo dhamaday 2-1 oo ay ku badisay Chelsea oo haatan kujirta kaalinta labaad ee Primer League, waxayna laba dhibcood ka dambeeyaan hogaamiyaasha Liverpool.
