Cole Palmer, mid ka mid ah xiddigaha ugu fiican Premier League, ayaa abuuray rajo suuqa kala iibsiga inuu ku lug yeelan karo.
22 jirkaan tayadiisa iyo qaan-gaarnimadiisa ayaa soo jiitay indhaha kooxaha waaweyn ee yurub oo ay Real Madrid ugu horeyso.
Si kastaba ha ahaatee, Chelsea oo uu katirsan yahay ayaa ku dhawaaqday in aysan qorsheyneynin inuu si sahal ah ku baxo xiddigooda muhiimka ah.
Kooxda Maresca ayaa la sheegay in ay dul dhigtay ciyaaryahanka heerka caalami ee England qiimo ka badan 200 milyan oo Euro, kaasoo caqabad weyn ku ah Real Madrid.
Cole Palmer ayaa doonaya inuu u saxiixo Real Madrid, oo uu u arko inuu ku noqon karo mid ka mid ah ciyaartoyda ugu fiican adduunka.
Kooxda ka dhisan Stamford Bridge, waxay u arkaan ciyaaryahanka inuu yahay midka kaliya ee ka dambeeya guulaha ay gaarayaan xili ciyaareedkaan.
Si kastaba ha ahaatee, ciyaaryahanka reer England ayaa muujiyay xiisaha uu u qabo u dhaqaaqista Real Madrid, wuxuuna ka dhax arkaa fursad uu shaqsiyan horumar ku sameyn karo.
