Jose Mourinho ayaa si adag ugu jawaabay Pep Guardiola ka dib markii tababaraha Man City uu xusuusiyay taageerayaasha inuu laba jibbaar ku guuleystay horyaallada Premier League marka loo barbardhigo tababaraha reer Portugal.
Guardiola ayaa hadalkan sheegay isagoo ka jawaabaya su’aalo laga weydiiyay guuldarradii kooxdiisa ka soo gaartay Liverpool 2-0 toddobaadkii hore.
Tababaraha 53-jirka ah ayaa lagu arkay isagoo lix farood kor ugu taagaya taageerayaasha Anfield kaddib ciyaarta, isagoo tixraacaya koobabka horyaalka ee uu ku guuleystay.
Tababaraha City ayaa ku jawaabay: “Waxaan rajeynayaa in aniga aysan sidaas ii ahayn… Isagu wuxuu ku guuleystay saddex, aniguna lix… laakiin sidaas isku mid kuma nihin.”
Laakiin Mourinho ayaa si cad uga carooday hadalkaas, isagoo u jawaabay tababaraha Isbaanishka.
Tababaraha Fenerbahçe ayaa yiri: **”Guardiola shalay wax ayuu iga sheegay. Isagu wuxuu ku guuleystay lix koob, aniguna saddex, laakiin waxaan ugu guuleystay si cadaalad ah oo nadiif ah.
“Haddii aan guuldarreysto, waxaan rabaa inaan u hambalyeeyo kooxda iga guuleysatay sababtoo ah way iga fiicneyd. Ma doonayo inaan koob ku guuleysto anigoo la tacaalaya 150 dacwadood.”**
Mourinho wuxuu si cad uga hadlay eedeymaha ay wajahayaan Man City.
Kooxda City ayaa wajahaysa suurtogalnimada in laga soo raro Premier League ka dib markii lagu soo oogay 115 dacwadood oo la xiriira jebinta xeerarka maaliyadeed ee hay’adda kubadda cagta Ingiriiska.
