Riccardo Calafiori iyo Gabriel Magalhaes ayaa seegay kulankii ay Arsenal 2-0 kaga badiyeen Manchester United xalay, laakiin waxaa la filayaa inay ku soo laabtaan kooxda kulanka ay booqaneyso Fulham, sida uu shaaca ka qaaday tababare Mikel Arteta.
Labada daafac ayaa dhaawacyo soo gaareen kulankii ay la ciyaareen West Ham isbuucaan, ciyaaryahanka heerka caalami ee dalka Brazil ayaa la bedelay dhamaadkii qeybtii hore ee ciyaartaas ka dib markii ay isku dhaceen goolhayaha Hammers Fabianski.
Dhinaca kale ciyaaryahankii hore ee Bologna Riccardo Calafiori ayaa lagu qasbay inuu baxo ka dib markii ay jug soo gaaray toban daqiiqo markii ay socotay qeybtii labaad ciyaartii West Ham.
Gabi, waxa ay ahaan lahayd qatar weyn inuu ciyaaro sababtoo ah waxa uu dareemayay dhaawac yar oo kasoo gaaray kulankii West Ham,” Arteta ayaa yiri ka dib markii uu guul wayn ka gaaray Amorim.
Gunners ma aysan dareemin maqnaanshaha labada daafac ee dhaawac ah kulankii Red Devils, iyadoo Jakub Kiwior iyo Oleksandr Zinchenko ay si wanaagsan u buuxiyeen doorkooda.
Arteta ayaa amaanay labada ciyaaryahan ee Jakub iyo Alex, wuxuu sidookale ku adkeystay in Riccardo Calafiori iyo Gabriel Magalhaes ay diyaar u noqon doonaan kulanka soosocda ee Fulham.
