“Looma Baahno Inaad Wax Raalli-gelin Bixiso” Vinicius jr Iyo Bellingham Oo Taageero U Muujiyay Valverde Kadib Khalad Uu Sameeyay

Xiddiga Real Madrid ee Federico Valverde oo Taageero Ka Helay Saaxiibadiisa Kadib Khalad Sababay Guuldarro.

Federico Valverde ayaa wajahaya eedayn kadib markii qalad uu sameeyay uu sababay guuldarro muhiim ah oo Real Madrid ka soo gaadhay Athletic Club habeenkii xalay. Natiijadan ayaa saamayn weyn ku yeelatay kala sarreynta horyaalka La Liga, iyadoo Los Blancos ay hoggaanka u gacan gelisay Barcelona.

Inkasta oo Madrid ay ciyaarta gacanta ku haysay, xitaa guul ay ka gaaraan kulankaas waxay kaliya u dhoweyn laheyd hal dhibic naadiga ay sida adag u xafiiltamaan.

Si kastaba, Valverde wuxuu helay taageero xooggan oo uga timid saaxiibadiisa iyo tababare Carlo Ancelotti. Xiddigo badan oo Real Madrid ah ayaa isku dayay inay garab istaagaan ciyaaryahanka reer Uruguay, iyagoo dhiirigelin iyo kalsooni siiyay.

Vinícius Jr. Oo Fariin Taageero U Diray

Vinícius Jr., oo dhaawac ku maqnaa, ayaa ku biiray kuwa isku dayayay inay Valverde niyada u dhisaan. Inkasta oo uu garoonka ka maqnaa, waxa uu baraha bulshada ku taageeray saaxiibkiisa isagoo qoray:

“Waan ku jecelnahay,”

Jude Bellingham, oo xilli ciyaareed heer sare ah ku qaadanaya Madrid, ayaa sheegay:

“Ma jiro cudurdaar loo baahan yahay – guusha iyo guuldarradaba waxaan u wada qaadanaa si wadajir ah.”

Dhanka kale, Rodrygo ayaa amaanay Valverde isagoo yiri:“Waxaad tahay ciyaaryahan cajiib ah.”

Valverde ayaa xilli ciyaareedkan ka mid ahaa xiddigaha ugu waxqabadka badan Real Madrid, isagoo si heer sare ah uga ciyaaray boosaska kala duwan ee kooxda. Inkasta oo qaladkiisu uu sababay guuldarro, taageerada uu ka helay kooxda ayaa muujinaysa sida ay ugu mideysanyihiin inay ka gudbaan caqabadaha jira.

Madrid waxay haatan diiradda saareysaa inay dib ugu soo laabato qaab ciyaareedkeedii fiicnaa oo ay sii waddo tartanka horyaalka La Liga.