Halyeyga kubadda cagta Portugal ee Cristiano Ronaldo ayaa isaga iyo qoyskiisa waxay u guuri doonaan gurigooda cusub ee ku yaalla dalka Sacuudiga.
Georgina Rodriguez ayaa ku soo bandhigtay Instagram-ka gurigooda cusub ee uu dhawaan iibsaday Ronaldo.
Gurigan cusub, inkastoo uu ka yar yahay daarihii raaxada ee Ronaldo uu hore u kiraysan jiray, waxa uu leeyahay goobo beero ah oo indhaha u roon.
Qolka fadhiga wuxuu u qaybsan yahay saddex qaybood, laba goobood oo la fadhiisto oo leh TV-yo iyo meel lagu cunteeyo oo leh miis weyn oo kuraas leh.
Guriga cusub ee Ronaldo iibsaday waxa uu leeyahay daaqado waaweyn oo dibadda iyo gudaha ah, wuxuu sidookale leeyahay beer iyo barkad banaanka ku yaala, halka barkad kale ay ku taal guriga dhexdiisa.
Guriga cusub ee qoyska Ronaldo waxa uu ku yaalaa Al-Muhammadiyah, oo ah degmo sare oo Riyaad ka tirsan, taasoo ay dagan yihiin dadka ugu hantida badan Sacuudiga.
Rinakdo wuxuu hiigsanayaa kun gool xirfadiisa ciyareed, kooxdiisa Al-Nassr ayaa hadda ku jirta kaalinta saddexaad ee horyaalka Saudi Pro League, waxaana ay sideed dhibcood ka dambeeyaan hogaamiyayaasha horyaalka Al-Itixaad.
