Pep Guardiola oo isha ka riday taageerayaasha Liverpool kaddib hees culeys ku abuurtay oo ay u qaadeen.
Pep Guardiola ayaa si aan gambasho lahayn uga falceliyay hees ay taageerayaasha Liverpool u qaadeen isaga intii lagu jiray ciyaartii Anfield.
Kooxda Manchester City ee uu hoggaamiyo Guardiola ayaa ku fashilmatay iney ka badiyaan kooxda Arne Slot, oo guul 2-0 ah gaartay, taasoo Liverpool u suurtagelisay inay 11 dhibcood ka sarreyso City.
Guuldarradaas ayaa sababtay in City ay ka dhacdo kaalinta shanaad, kaddib markii Chelsea ay guul 3-0 ah ka gaartay Aston Villa. Liverpool ayaa sidoo kale sagaal dhibcood ka hormartay Arsenal oo ku jirta kaalinta labaad.
Markii taageerayaasha Liverpool ay ku heeseen, “Aroortii Waa Lagu Ceyrin Doonaa,” Guardiola ayaa u muuqday mid hadalkaas uu dhaawac u geystay taasoo keentay inuu ka jawaabo.
Tababaraha City ayaa faraha kor u taagay isaga oo muujinaya lix farood, oo la aaminsan yahay inuu ula jeeday tirada horyaallada Premier League uu ku guuleystay tan iyo markii uu kooxda ku soo biiray sanadkii 2016. Isaga oo markale sameeyay isla calaamadda, ayuu muujiyay qaddarinta uu u hayo taageerayaasha martida ee ku sugnaa dhanka Anfield Road ee garoonka.
Halkaan Hoose Ka Daawo Muuqaalka
