Marcus Rashford ayaa laga iibinayaa Manchester United iyadoo go,ankaad uu qaatay tababaraha cusub ee Ruben Amorim, Paris Saint-Germain iyo kooxaha Saudi Arabia ayuu kala dooran karaan haddii xiddiga England uu si lama filaan ah uga tago Old Trafford. (Fichajes – Spain)
Amorim ayaa sidoo kale la sheegay inuu dalbaday saxiixiisii ugu horreeyay, iyadoo 17 jirka garabka uga ciyaara Sporting CP Geovany Quenda uu hadda u arko bartilmaameedka ugu macquulsan United. (Fichajes – Spain)
PSG ayaa xiiso u qabta weeraryahanka Chelsea ee Christopher Nkunku, waxay diyaar u yihiin heshiis isku badalasho ah oo uu ku lug yeelan karo weeraryahan Randal Kolo Muani. (TBR Football)
Liverpool ayaa ku fashilantay in ay wax horumar ah ka sameyso wadahadaladii heshiis kordhinta ee ay kula jirtay Luis Diaz kaasoo ka tagi kara Anfield iyada oo PSG iyo Barcelona ay isha ku hayaan xaaladiisa. (Antena 2 – Colombia)
Chelsea iyo United ayaa loolan kala kulmi kara Juventus tartanka loogu jiro xiddiga kooxda Ipswich Town ee Liam Delap. La Vecchia Signora ayaa indha indheeyayaal u dirtay xiddigii hore ee da’yarta Manchester City. (The Mirror)
Garabka Liverpool Federico Chiesa ayaa loo diyaarinayaa badalka Khvicha Kvaratskhelia hadii xiddiga reer Georgia uusan heshiis cusub u saxiixin Napoli. (Il Napolista – Italy)
Kooxda Real Betis ayaa isha ku haysa in ay dib ula soo saxiixato xiddiga khadka dhexe uga ciyaara kooxda Real Madrid ee Dani Ceballos kaas oo boos ka waayay tababare Carlo Ancelotti. (Fichajes – Spain)
Xiddiga diirada u saaran Manchester City Nicolo Barella ma doonayo inuu ka tago Talyaaniga inkastoo uu aad u qadariyo la shaqeynta tababare Pep Guardiola. 27 jirkaan ayaa qandaraas cusub u saxiixay Inter horaantii bishaan. (Nicolo Schira – Italy)
Arsenal ayaa u furan inay u ogolaato daafaca dhaxe ee Jakub Kiwior inuu baxo bisha Janaayo, iyadoo Napoli loo arko koox si weyn u dooneysa. (Gianluca Di Marzio – Italy)
Aston Villa ayaa ka fiirsaneysa inay dib ugu yeerto weeraryahanka qaab ciyaareedka fiican ku jira ee Louie Barry oo amaah ku jooga kooxda Stockport County ee ka dhisan Championship. (Daily Star)
Man City ayaa isku diyaarinaysa inay la soo wareegto daafaca Sierra Leone Juma Bah, kaasoo u ciyaara kooxda reer Spain ee Real Valladolid, iyadoo Newcastle United, Everton iyo Crystal Palace ay sidoo kale miisamayaan u dhaqaaqista da’yarkaan. (The Sun)
