Blues ayaa xooga saartay sidii ay u soo xero galin lahayd xirfadleyda da’da yar ee suuqa Ingariiska sanadihii ugu dambeeyay.
Eboue waa magacii ugu dambeeyay ee ka soo muuqday radarka kooxda Chelsea.
Da’yarkaan kaliya waa 15 jir, Eboue, ayaa kasoo baxay kooxda da’da yar ee Watford, wuxuuna si dhaqso ah ugu biiray kooxda Under-21.
Qaab ciyaareedkiisa sarre ayaa heegan galiyay kooxaha ugu sareeya horyaalka Premier League xili ciyaareedkaan.
Eboue ayaa sidoo kale soo jiitay indhaha kooxaha caalamiga ah ee ka dhisan Yurub, waxaana uu u dhaliyay goolkii guusha dhawaan xulka England ay kaga badiyeen France koobkii U16 ee bishii hore lagu qabtay Spain.
Sida laga soo xigtay Mail Online, wadahadalka u dhexeeya Chelsea iyo Watford ayaa la isku fahmin wali dhanka lacagta magdhowda ah ee uu heli karo weeraryahankaan dhashay 2009kii.
Chelsea ayaa waxaa ka go,an in ay hesho xiddiga kooxda Watford Mathis Eboue oo uu dhalay daaficii hore ee Arsenal Emmanuel Eboue.
