Goolhayaha Arsenal, David Raya ayaa magacaabay goolhayaha uu dareemayo inuu yahay goolhayaha ugu fiican adduunka xilligan.
Raya ayaa kusoo baxay mid ka mid ah goolhayayaasha ugu fiican Premier League tan iyo markii uu ku biiray Arsenal xili ciyaareedkii hore.
Goolhayaha reer Spain ayay dad badan u arkaan goolhayaha ugu fiican adduunka haatan, laakiin waxa uu iska diiday inuu culeyskaas qaado.
Si kastaba ha ahaatee, markii la waydiiyay inuu magacaabo gool-hayaha ugu fiican adduunka, Raya ayaa doortay goolhayaha Real Madrid ee Thibaut Courtois.
“Hadda Taasi waa su’aal adag, “Raya ayaa u sheegay suxufiyiinta markii la waydiiyay cidda uu u arko goolhayaha ugu fiican adduunka.
“Waxaan dhihi lahaa, aniga ahaan, waa Thibaut Courtois, sida iska cad wuu dhaawacmay, laakiin wali waan dooran karaa isaga, waa mid aan wax badan kaga daydo.
Courtois wuxuu ku guuleystay labo horyaal oo Premier League ah waqtigiisii Chelsea ka hor inta uusan ku laaban caasimada Spain.
Goolhayaha Belgian-ka ayaa kula guuleystay Real Madrid koobab dhowr ah oo ay ku jiraan Champions League iyo LaLiga tan iyo markii uu ku biiray.
