Weeraryahanka Real Madrid, Kylian Mbappe ayaa saaxiibkiis Fede Valverde u aqoonsaday ciyaaryahan aad muhiim ugu ah kooxda Los Blancos.
Sida laga soo xigtay Mbappe, dadku wax badan kama hadlaan xiddiga reer Uruguay, laakiin waa kan ugu fiican kooxda Real Madrid.
Kabtanka France ayaa hadlay ka dib markii Real Madrid ay 3-0 kaga badisay Leganes habeenkii xalay.
Seddex gool oo ay kala dhaliyeen Mbappe, Valverde iyo Jude Bellingham ayaa siiyay kooxda Carlo Ancelotti seddexda dhibcood, iyagoo soo yareeyay farqiga dhibcaha ee ay ka sareysay Barcelona.
Isagoo la hadlayay TV-ga Real Madrid ciyaarta kaddib, Mbappe ayaa yiri: “Waa ciyaaryahan aad muhiim u ah, dadku wax badan kama hadlaan isaga, laakiin aad ayuu muhiim noogu yahay.
Waxa uu halkan ku qaaday koobab badan, waxaan rajeynayaa inuu heli dooni buunbuunin badan, sababtoo ah hadda majiro qof ka hadlaya isaga , laakiin waa ciyaaryahan weyn.
Real Madrid ayaa kulanka sooscda wajaheysa Liverpool tartanka Champions League, waxaana ay u baahan tahay guul si ah usoo nooleyso rajadeeda tartanka Yurub.
