Manchester United ayaa iska lumisay fursad dahabi ah oo ay kula soo saxiixan kartay xiddig wayn oo wax ka badali karay taariikhdooda.
Robert Lewandowski ayaa daaha ka qaaday inuu ogolaaday inuu ku biiro Man United 2012, laakiin heshiiskaas ma dhicin.
Wuxuu ku yiri wareysi uu siiyay Rio Ferdinand “Waxaan ku dhawaaday inaan ku biiro Manchester United.
“Waxaan la hadlay madaxweynaha Borussia Dortmund. Waxaan u sheegay in ay aniga ii baahan yihiin, ma ay dooneyn kooxdeyda in ay iga iibiyaan Man United maadaama aysan ahayn waqtigii ku haboonaa.
Laakiin waqtigaas, waxaan ku iri kooxdeyda ‘haa’ United waan u baahanahay, sababtoo ah haddii Sir Alex Ferguson uu isoo waco, ma dhihi karo maya.
Waxaan ku faraxsanaa Dortmund, laakiin riyadeyda waxay aheyd inaan Man United u ciyaaro waqtigaas.”ayuu yiri weeraryahanka Barcelona.
Red Devils ayaa ku heli kartay dhaliyaha sare ee Robert Lewandowski lacag jaban, laakiin waxay ku guuldareysteen inay ku qanciyaan Dortmund inay iska iibiso ciyaaryahanka.
Waqtigaas Isaga oo 23 jir ah, Lewandowski waxa uu sannadihiisii ugu fiicnaa ku qaadan karay kooxda Man United.
