Manchester United oo Diiday Inay Paul Pogba Ku Soo Dhoweyso xarunta Tababarka Kadib Fadeexaddii Daroogada.
Kooxda Manchester United ayaa la sheegay inay qorsheynaynin in Paul Pogba uu ku soo laabto xarunta tababarka Carrington, kadib markii uu kooxda si qaab darro ah uga tagay sanadkii 2022.
31-jirkan ayaa wajahaya dhibaatooyin waaweyn oo xirfadiisa kubadda cagta saameeyay, kadib markii lagu helay isticmaalka daroogo taas oo keentay in afar sano la ganaaxo. Si kastaba ha ahaatee, maxkamadda Ciyaaraha ee CAS ayaa ganaaxaasi hoos u dhigtay, taas oo ka dhigan inuu dib ugu soo laaban karo ciyaaraha bisha Maarso 2025.
Guuleystaha Koobkii Adduunka ee 2018 ayaa lagu wadaa inuu tababarka dib u bilaabo bisha Janaayo 2024, taas oo siinaysa hal bil oo uu ku raadsado koox uu tababar la qaato si uu ugu diyaargaroobo soo laabashadiisa.
Tan iyo markii uu ku soo laabtay Juventus, Pogba ayaa u ciyaaray kaliya 12 kulan, taas oo sabab u ahayd dhaawacyo iyo ganaaxa uu haatan wajahayo. Inkasta oo ay jiraan warar sheegaya inuu tababar la qaadan karo Manchester United, ilo ku dhow United ayaa u sheegay talkSPORT in aysan jirin qorshe ay Pogba ugu soo dhoweynayaan xaruntooda tababarka.
Iyadoo ay jiraan warar xan ah oo ku saabsan dib ugu soo laabashada Pogba ee United, kooxda ayaa la sheegay inay go’aan cad ka qaadatay, iyagoo aan diyaar u ahayn inuu hadda qayb ka noqdo qorshahooda mustaqbalka dhow.
