Carlo Ancelotti, oo loo aqoonsaday inuu yahay tababaraha ugu wanaagsan sanadka 2024, ayaa dhawaan wareysi uu siiyay majaladda France Football uga hadlay heerarka xirfaddiisa tababarenimo muddo ka badan 30 sano.
Intii uu wareysiga bixinayay, tababaraha Real Madrid ayaa si daacad ah uga hadlay aragtiyadiisa, oo ay ku jiraan waxa uu u arko khaladkiisii ugu weynaa intii uu tababaraha ahaa.
Ancelotti wuxuu qiray in khaladaadku ay lama huraan yihiin marka xirfad intaa le’eg lagu dhexjiro. Hal mar oo uu si gaar ah u qoomameeyo ayaa dhacday xilli ciyaareedkii 2014/15, xilli uu ku jiray wadahadaladii cusbooneysiinta qandaraaskiisa.
“Sameynta go’aanno kaliya oo wanaagsan muddo 30 sano waa wax aan macquul aheyn. Tusaale ahaan, sanad xun ayaa isoo maray (xilli ciyaareedkii 2014/15) waxaana aad ugu dhawaa inaan cusbooneysiisto qandaraaskeyga,” ayuu yiri isagoo hadalka sii wata.
In kasta oo kooxda ay daneyneysay inay sii heysato, wuxuu qiray inuu si xoogaa xad dhaaf ah uga hadlay rabitaankiisa mushahar dheeraad ah, taas oo ugu dambeyn wadahadalka joojisay.
“Kooxdu waxay dooneysay inaan sii joogo, laakiin waxaan xoogaa sii riixay rabitaankeyga mushahar oo wadahadalkii aya istaagay. Taasi waxay ahayd khaladkeyga ugu xun, laakiin waxay i siisay fursad aan wax kaga barto.”
Ancelotti ayaa tixgeliya tan inay ka mid tahay qaladaadkiisa ugu xun ee xirfaddiisa, maadaama ay ka hor istaagtay inuu kooxda la sii joogo.
