Liverpool ayaa ku jirta qaab ciyaareed aad u wanaagsan xilli ciyaareedkan ee Premier League iyo Champions League iyadoo uu hoggaaminayo Arne Slot, waxayna doonayaan inay sii wadaan qaab ciyaareedkooda fiican ka hor inta aysan galin fasaxa ciyaaraha caalamiga ah.
Daaficii hore ee Liverpool, Glen Johnson, ayaa uga digay kooxda in Mohamed Salah uu noqon doono mid “aan marnaba la beddeli karin” haddii uu baxo. Weeraryahanka reer Masar ayaa qandaraaskiisu dhacayaa xagaaga soo socda.
Isagoo la hadlayay 10bet, Johnson wuxuu yiri: “Weli waa ciyaaryahan heer caalami ah, sax? Haddii aad waydo isaga, wuxuu noqon doonaa mid aan marnaba la beddeli karin, cid jeclaaneyso ma jirto iney noqoto iney booskiisa beddesho hadii uu tago”
“Waxaan rajeynayaa inay heshiis gaaraan. Waan ogahay inuu sii gaboobayo, laakiin weli wuxuu soo bandhigayaa qaab ciyaareedyo wanaagsan, mana jiraan ciyaartoy badan oo isaga ka wanaagsan waqtigan la joogo.”
