Tababaraha Arsenal Mikel Arteta ayaa diirada saaraya saxiixa garabka Bayern Munich Leroy Sane sida uu qabo indha-indheeyihii hore ee Gunners Mick Brown.
“Xaqiiqdii waxay ka mid yihiin kooxaha xiiseynaya 28 jirkaan, hore ugu soo ciyaaray Man City, ayuu” Brown u sheegay Football Insider.
Arsenal aad ayay u xiisaynayaan isaga, wuxuu ka ciyaari karaa garabka bidix wuxuuna caawin karaa Saka, waana waxa uu u raadinayo Arteta.
Arsenal kaliya ma ahan kooxda xiiseyneysa, Sane, waxaa sidookale indhaha ku heysa kooxda Newcastle United.
Mikel Arteta ayaa taageere weyn u ah ciyaaryahanka heerka caalami ee dalka Germany, waxaana la filayaa inuu u dhaqaaqo saxiixiisa bisha January marka la furo suuqa kala iibsiga ciyaartooyda.
Leroy Sane ayaa waayay fursad uu kamid noqdo safak koowaad ee Bayern Munich tan iyo markii loo magcaabay halyeygii hore ee Man City Kompany, taas ayaa la micno ah inuu dhageysan karo dalabyada soo gaaraya suuqa January.
