Manchester United iyo Arsenal ayaa labadaba lala xiriirinayaa inay u dhaqaaqi karaan weeraryahanka Paris Saint-Germain ee Randal Kolo Muani.
Daily Mail ayaa sheegeysa in PSG ay dooneyso inay 25-jirkaan ku iibiso bisha Janaayo lacag u dhexeysa 33 milyan ilaa 42 milyan oo ginni.
Wargeysku wuxuu leeyahay: “Laba kooxood oo Premier League ah oo cuslan ayay suurta gal tahay inay u dhaqaaqaan weeraryahanka Paris Saint-Germain Randal Kolo Muani.
“Weeraryahanka, oo 25 jir ah, waxa uu PSG kaga soo biiray Eintracht Frankfurt 77 milyan ginni 2023, laakiin waxa dhaliyay kaliya 11 gool 50 kulan oo uu saftay.
“Hadda kooxda heysata horyaalka Ligue 1 waxay diyaar u tahay inay isaga iibiso weeraryahanka bisha Janaayo inta u dhexeysa 33 ilaa 42 milyan ginni.
“Arsenal iyo Manchester United waxa ay noqon karaan kooxaga macquul ay tahay inuu ku biiro, laakiin lama hubo tababaraha Sporting Lisbon Ruben Amorim hadii uu qabto Man Utd inuu xiiseynayo ciyaartooygaan weerarka kaga ciyaara PSG.
Tababaraha Arsenal Arteta ayaa waxa uu ka doonayaa weeraryahan cusub suuqa January, taasoo la micno ah in ay u dhaqaaqi karaan xiddiga heerka caalami ee dalka Frnace.
