Aaron Ramsey, ciyaaryahankii hore ee Arsenal, ayaa muujiyay in uu aad ugu dhowaa in uu ku biiro kooxda Man United xilligaas Oo uu Sir Alex Ferguson hogaaminayay, kahor inta uusan ugu dambeyn go’aansan in uu u ciyaaro Arsenal.
Sanadkii 2008, Ramsey wuxuu ahaa ciyaaryahan rajo leh oo u ciyaara Cardiff City, waxaana uu soo jiitay kooxaha waaweyn kadib markii uu noqday ciyaaryahankii labaad ee ugu da’da yaraa ee ka qeybgalay final FA Cup ah.
Kooxaha Arsenal iyo Manchester United labaduba waxay raadinayeen Ramsey, taasoo keentay in uu dhaco tartan adag oo u dhexeeya labada kooxood. In kasta oo Manchester United ay wararka sheegayaan inay ku heshay qiimo hoose, Arsenal ayaa ku guuleysatay inay kula soo wareegto 17-jirkan qiimo dhan £4.8 milyan. Ramsey wuxuu ku qancay Arsenal sababtoo ah Wenger ayaa ahaa mid soo saara ciyaartooy da’yar oo sumcad ku leh kubadda cagta.
Ramsey wuxuu sheegay in Ferguson uu dhowr jeer soo wacay intii lagu jiray wada xaajoodka kooxdiisa iyo Arsenal, laakiin waxaa saamayn ku yeelatay xiisaha weyn ee Wenger. Wuxuu dareemay in Wenger runtii uu rabay inuu siiyo wakhti uu kusoo muuqdo.
Wenger wuxuu ku guuleystay soo xero gelinta Ramsey, isagoo ka caawiyay in da’yarka u safto Arsenal in ka badan 350 kulan intii uu halkaas joogay.
Chris Coleman, tababarahii hore ee Wales, ayaa shaaciyay in Ferguson uu weli ka xun yahay in Ramsey uu u ogolaaday inuu ku biiro Arsenal, taasoo muujinaysa in go’aanku saameyn weyn ku yeeshay labada kooxood.
Doorashada Ramsey ugu dambeyn waxay qaabeeysay xirfadiisa, taasoo u oggolaatay inuu ku koro jawi qiimo u leh
kartidiisa.
