Theo Walcott ayaa ku booriyay Mikel Arteta inuu William Saliba ku bedelo Riccardo Calafiori qeybta dhexe kulanka Liverpool isbuuca soo socda, isagoo ka baqaya xiddigaha Arsenal marka ay wajahayaan Mohamed Salah.
Saliba ayaa kaarka cas oo toos ah loo taagay kulankii xalay iyadoo Gunners ay guuldaro 2-0 ah kala kulantay Bournemouth.
Ciyaaryahanka heerka caalami ee dalka Faransiiska ayaa seegaya kulanka ay arsenal gurigooda ku qaabili doonaan Liverpool Axada soo socota kadib markii uu casaan toos ah qaatay xalay.
Saliba iyo Gabriel Magalhaes ayaa door iskaashi muuqda ka sameeyay dafaca dhexe ee kooxda Arsenal, loolanka Arteta kooxdiisa ugu jirto horyaalka ayay sabab u noqdeen labada daafac.
Arteta waa inuu isku shaadheyn ku sameeyaa shaxdiisa daafaca kulanka uu la ciyaarayo kooxda Arne Slot oo ugu imaan doonta Emarates.
Saxiixa xagaaga ee Ricarto Calafiori ayaa ah bedelka macquulka ah ee saliba, isagoo doorkaas daafaca dhaxe u ciyaaray Italy iyo kooxdiisii hore ee Bologna xilli ciyaareedkii hore.
22-sano jirkaan ayaa hadda daafaca bidix uu ka ciyaarsiiyaa tababaraha Arsenal, laakiin weeraryahankii hore ee Gunners Walcott ayaa rumeysan inuu daafaca dhaxe geeyo kulanka soosocda ee Liverpool.
