Dagmada Kaaraan ayaa galabta ku guuleysatay tartanka kubadda cagta dagmooyinka Gobolka Banaadir iyo dagmada Balcad kadib markii ay 2-0 ku garaaceen dagmada Gubadleey.
Kaaraan oo sanadkaan awood dheeraad ah ay ka muuqatay, waxaa hogaaminayay macalin dhalin yaro ah oo lagu magcaabo Xamaam.
Taaheerayaasha labada dagmo iyo masuuliyiin katirsan Dowlada faderalka ayaa xaadiray Stadium koonis oo kulanka kama dambeysta ah lagu ciyaar galabta.
Gubadleey oo ah difaacdayaal ayaa u adkeysan waayay weerarka xoogan ee dagmada kaaraan. waxaana laga dhaliyay laba gool qeybta hore ee ciyaarta.
Tartanka oo muddo bil ah la ciyaarayay waxaa ka qeyb galay dagmooyinka Gobolka Banaadir iyo dagmada Balcad ee gobolka shabeelaha dhaxe. waxaana ugu dambeyn horyaalka noqday kaaraan.
