Marka laga soo tago inuu yahay mid ka mid ah ciyaartoyda kubbadda cagta ugu fiican ee abid la arko, Cristiano Ronaldo sidoo kale waa shaqsi kaftan kaftan badan, isagoo ku hadla hadba waxa ay dadku hadal haayan.
Waxa uu dhawaan u shactireeyay wufuudii ku sugnayd Monaco intii lagu jiray isku aadka Champions League ka dib markii uu si qosol leh uga raali galiyay Gianluigi Buffon inuu ka dhaliyay goolkii islaabka ahaa.
Waa shaqsiga ugu dadka badan Instagram-ka , wuxuuna imika isha ku haaya rikoodh dhanka YouTubeka ah inuu dhigo.
Mid ka mid ah muuqaalladiisii ugu dambeeyay, xiddiga shanta jeer ku guuleystay Ballon d’Or ayaa si qosol leh wuxuu ugu dhawaaqay kelmad uu caan ka dhigay ninka ay xafiiltamaan ee Lionel Messi.
Intii lagu guda jiray Koobkii Adduunka ee 2022 ee Qatar, Messi wuxuu ciyaaray dhowr kulan si uu ugu guuleysto wax walba.
Si kastaba ha ahaatee, kulanka wareega 8da ee Netherlands , aad ayuu u caroodhay Messi ka dib markii Wout Weghorst uu ka soo kacay kursiga keydka isagoo dhaliyay labo gool, ciyaartana ku qasbay in lagu daro waqti dheeri ah iyo rigoorayaal.
Xulka Argentina ayaa ku guuleystay rigooreyaal.
Messi ayaa markii dambe isku dhaceen Loius Van Gaal ka hor inta uusan u sheegin Weghorst mar uu shir jaraa’id qabtay oo uu ku odhan kalmadan” Que miras bobo ( oo loola jeedo maxaad eegaysa doqonyow).
Ronaldo ayaa isla weedhaas ku isticmaalay muuqaalkiisii ugu dambeeyay ee YouTube-ka isaga iyo lammaanihiisa Georgina Rodriguez taas oo ka dhigtay muuqalka mid qosol badan.
Ronaldo ayaa haatan isha ku haaya inuu rikoodho badan oo baraha bulshada ah inuu dhigo.
