Liverpool ayaa sii wadata bilowgeedii bilaa cilada ahaa ee uu hogaaminayay tababaraha cusub ee Arne Slot iyaga oo ka badiyay Manchester United kulankii Old Trafford.
Kooxda martida ahaa ayaa ku jirtay heer ka duwan United oo ay ku badisay guul aad u dhamaystiran taas oo keeni doonta in dib u eegis cusub lagu sameeyo Slot saaxiibkiisa Holland Erik ten Hag, kaasoo ka badbaaday dib u eegis xagaagii si uu ugu guuleysto qandaraas cusub ka dib guushii FA Cup xilli ciyaareedkii hore.
Liverpool waxay hadda diiwaan galiyeen seddex guul oo isku xigta oo Premier League ah iyadoo aan wax gool ah laga dhalin, tanina waxay aheyd bandhigii ugu wacnaa ee ilaa hadda.
Trent Alexander-Arnold ayaa mar hore laga diiday gool offside ah ka hor inta aanu Luis Diaz laba gool oo xidhiidh ah dhalin wax yar ka hor intii ayna Liverpool hogaanka ciyaarta ku hayn.
Casemiro ayaa qaybtii hore ee ciyaarta la degay United ka hor inta aan la badalin, laba jeer ayuu sameeyay qalad aad u xun.
Qaladka kowaad, baas uu qalday ayaa keentay in Diaz uu gool madax ah dhaliyo kadib caawin uu ka helay Mohamed Salah, 7 daqiiqo ka dib qalad kale uu sameeyay Casemiro ayaa keentay in Diaz goolkii 2aad uu dhaliyo.
Waa goolkii 4aad ee xagaagan Premier League-ga ka dhaliyo Diaz.
Salah ayaa dhaliyay goolkii 3aad ee ciyaarta, kadib kubad qurux badan uu ka helay Dominik Szoboszlai.
Waa goolkiisii 12-aad 15-kulan uu ka horyimid Man United ee uu Salah Dhaliyo.
United ayaa heshay fursado, waxaana inta badan qasaariyay Joshua Zirkzee.
Tababaraha ku cusub Premier League Slot ayaa si habsami leh ugu bilowday Liverpool isagoo guulo ka soo hoyiyay Ipswich Town oo dhawaan soo dalacday iyo gurigeeda oo ay ka hortageen Brentford – laakiin safar uu ku tagay Old Trafford ayaa loo arkaayay inuu ahaa imtixaankii ugu horeeyay ee halista ah ee waayihiisa.
Si kastaba Liverpool ayaa guud ahaa. Ciyaarta ku badisay 3-0.
