Cristiano Ronaldo ayaa laad xor ah oo cajiib ah u dhaliyay kooxda Al-Nassr si uu u laba jibaaro hogaanka kooxda Riyaadh ee ay martida u ahayd kooxda Al-Fahya ee ka tirsan horyaalka Sucuudiga.
Xiddiga reer Portugal ayaa dhamaadkii qeybtii hore ee ciyaarta, ilaad xor ah oo qurux badan ka dhaliyay kooxda Al-Fahya.
Al-Nassr ayaa guul 4-1 ah kulanka gaaray.
Tani ayaa kooxda reer Saudi Arabia ka dhigaysa in ay guul gaadhaan kulankoodii ugu horeeyay ee xilli ciyaareedka cusub iyaga oo bar-baro la galay khamiistii kulankoodii furitaanka ee ay gurigooda kula galeen kooxda Al-Raed.
Ronaldo ayaa sidoo kale shabaqa soo taabtay ciyaartaas, taasoo la micno ah inuu haysto labo ka mid ah inuu ku bilaabo ololaha, iyadoo Al-Nassr ay raadineyso inay ku guuleysato horyaalka, iyadoo 14 dhibcood ku lumisay Al-Hilal xilli ciyaareedkii hore.
Isagoo dhaliyay kaliya seddex laad xor ah oo toos ah labadii xilli ciyaareed ee ugu dambeysay, inkastoo dadaallada aan la tirin karin, Ronaldo ayaa ku farxi doona inuu ugu dambeyn uu dhaliyay laad xor muddo ka dib.
Inkasta oo heerka beddelkiisa ee laadadka xorta ah laga yaabo in aanu ahayn kuwii ugu fiicnaa, haddana waxa uu ku guulaystey in uu tiro badan shabaqa soo taabto.
Ronaldo waa goolkiisii 64-aad ee noocaan ah ama laad xor ah uu dhaliyo.
Waxa uu durba ku jiraa 12-ka ciyaaryahan ee ugu goolasha badan laadadka xorta ah ee abid, isagoo fadhiya kaalinta 7aad ee ka dambeeya Juninho, Pele, Victor Legrottaglie, Ronaldinho, David Beckham iyo Lionel Messi.
39-sano jirkaan ayaa dhaliyay 34 gool intii uu ku sugnaa Real Madrid, isagoo adeegsanaya farsamadiisa caanka ah ee kubbadda cagta taasoo keentay inuu dadaalo cajiib ah ka sameeyo xaaladahan.
Goolkan waxa uu sidoo kale ka dhigayaa inuu hal gool uu u jiro inuu gaaro 900 gool , taas oo ah mid aanu jirin ciyaaryahan kubbada cagta ah oo ku guuleystey inuu dhaliyo tiradaas.
