Calafiori wuxuu Gunners uga yimid kooxda Seria A ka dhisan ee Bologna, waxaana uu qalinka ku duugay heshiis waqti dheer ah.
Daafaca 22 jirka ah ayaa xubin ka ahaa kooxdii Azzurri ee Euro 2024, ka dib xilli ciyaareed uu soo bandhigay qaab ciyaareed cajiib ah oo udub dhexaad u ah daafaca Bologna.
Riccardo waxa uu xirfadiisa ka bilaabay akadeemiyada dhalinyarada ee Roma, halkaas oo uu ku qaatay 12 sano ka hor markii uu ka soo baxay dhalinyaradii kooxda koowaad.
Intii uu joogay, waxa uu khibrad amaah ah ka helay kooxda kale ee Genoa ee Talyaaniga intii lagu jiray xilli ciyaareedkii 2021/22.
Bishii August 2022, daafaca da’da yar, ayaa matalay xulkiisa, wuxuuna u dhaqaaqay kooxda reer Switzerland ee Basel, halkaas oo uu ku heeystay boos joogto ah wuxuuna u saftay 26 kulan horyaalka xilli ciyaareedkaas.
Qaab ciyaareedkiisa tayada sare leh ayaa keenay in uu ku laabto dalkiisa, iyadoo difaacii wacnaa uu u wareegay Bologna August 2023.
